چٹ پٹے مصالحہ دار آلو

اجزاء

آلو نئے گول۔۔۔۔۔۔۔۔۔۔۔۔۔۔۔ ایک کلو

تیل۔۔۔۔۔۔۔۔۔۔۔۔۔۔۔۔۔۔۔۔۔ حسب ضرورت

ٹماٹر کا پیسٹ۔۔۔۔۔۔۔۔۔۔۔۔۔ چار کھانے کے چمچ

گرم پانی۔۔۔۔۔۔۔۔۔۔۔۔۔۔۔۔۔۔ آدھا کپ

لونگ۔۔۔۔۔۔۔۔۔۔۔۔۔۔۔۔۔۔۔۔ چار عدد

کالی مرچ۔۔۔۔۔۔۔۔۔۔۔۔۔۔۔۔۔ چھ عدد

دار چینی۔۔۔۔۔۔۔۔۔۔۔۔۔۔۔۔۔ دو اِنچ کا ٹکڑا

نمک۔۔۔۔۔۔۔۔۔۔۔۔۔۔۔۔۔۔۔۔۔ دو چائے کے چمچ

پیاز(باریک کٹی ہوئی)۔۔۔۔۔۔۔۔ دو بڑی

دہی۔۔۔۔۔۔۔۔۔۔۔۔۔۔۔۔۔۔۔۔۔ 250 گرام

ہری مرچیں۔۔۔۔۔۔۔۔۔۔۔۔۔۔۔۔ حسب ضرورت بیچ سے کٹی ہوئی

تیز پات۔۔۔۔۔۔۔۔۔۔۔۔۔۔۔۔۔۔۔ چار عدد

چھوٹی الائچی۔۔۔۔۔۔۔۔۔۔۔۔۔۔ چار عدد

پیسٹ بنانے کے لئے

پیاز بڑی۔۔۔۔۔۔۔۔۔۔۔۔۔۔۔۔۔۔ ایک عدد

ادرک پسی ہوئی۔۔۔۔۔۔۔۔۔۔۔۔ 25 گرام

لونگ۔۔۔۔۔۔۔۔۔۔۔۔۔۔۔۔۔۔۔۔ چار عدد

بڑی الائچی۔۔۔۔۔۔۔۔۔۔۔۔۔۔۔۔ ایک عدد

ثابت دھنیا۔۔۔۔۔۔۔۔۔۔۔۔۔۔۔۔ ایک چائے کا چمچ

ثابت مرچ۔۔۔۔۔۔۔۔۔۔۔۔۔۔۔۔۔ دو عدد

جاوتری۔۔۔۔۔۔۔۔۔۔۔۔۔۔۔۔۔۔۔ ایک چٹکی

لہسن (پسا ہوا)۔۔۔۔۔۔۔۔۔۔۔۔۔ بارہ جوے

کالی مرچ( پسی ہوئی)۔۔۔۔۔۔۔۔ دو عدد

دار چینی۔۔۔۔۔۔۔۔۔۔۔۔۔۔۔۔۔۔ دو انچ کا ٹکڑا

خشخاش۔۔۔۔۔۔۔۔۔۔۔۔۔۔۔۔۔ ایک چائے کا چمچ

کالا زیرہ۔۔۔۔۔۔۔۔۔۔۔۔۔۔۔۔۔ ایک چائے کا چمچ

ہلدی۔۔۔۔۔۔۔۔۔۔۔۔۔۔۔۔۔۔۔۔ ایک چائے کا چمچ

جائفل۔۔۔۔۔۔۔۔۔۔۔۔۔۔۔۔۔۔۔ ایک چٹکی

ترکیب

آلوؤں کو کھرچ کر دھو کر صاف کیجئے۔ اب تمام آلوؤں کو ایک کانٹے سے گودھ دیجئے۔ ایک پتیلی میں اتنا پانی ڈالیے کہ آلو ڈوب جائیں۔ اس پانی میں ایک چائے کا چمچ نمک ڈال دیجئے۔ آلوؤں کو دو گھنٹے کے لئے بھیگا رہنے دیں۔ آلوؤں کو نکال لیجئے اور کسی صاف کپڑے سے خشک کر لیجئے۔ کڑھائی میں تیل ڈالیے اور اسے خوب کڑ کڑائیں اتنا کہ ڈبل روٹی کاٹکڑا ڈالا جائے تو آدھے منٹ میں سرخ ہو جائے۔ اب آلوؤں کو سرخ تل کر کسی برتن میں نکال لیجئے۔ ایک پتیلی میں کٹی ہوئی پیاز اور تمام مصالحے ڈال کر بھون لیجئے۔ آپ نے جو پیسٹ تیار کر رکھا ہے وہ بھی اس مصالحے میں شامل کر کے دس منٹ تک بھونیے۔ پھر اس میں دہی اور ٹماٹر کا گودا شامل کر دیجئے، ساتھ میں نمک بھی ڈالیے اور ہلکے ہلکے بھونتے رہیے۔ اب اس میں آلو اور ہری مرچ اور تھوڑا ساپانی ڈال کر پندرہ منٹ کے لئے دم پر چھوڑ دیں۔ لذیذ ‘دم آلو’ تیار ہیں، پیش کرنے سے پہلے گرم مصالحہ چھڑک دیں۔