باربی کیو کے اہتمام کے لئے احتیاطی تدابیر
یہ انتہائی ضروری ہے کہ باربی کیو کرنے کے لیے گوشت کو چند گھنٹے پہلے ہی میرینیٹ کر کے رکھیں، چاہے یہ قیمہ ہی کیوں نہ ہو۔ اگر آپ اسے رات بھر میرینیٹ رکھیں تو اس کا نتیجہ اور اچھا نکلتا ہے۔
بوٹیاں ہمیشہ چھوٹی بنائیں۔ اس طرح وہ میرینیٹ اچھی طرح ہوں گی اور گوشت کو خشک کیے بنا جلدی پک بھی جائیں گی۔
گوشت پر تھوڑی سی چربی رہنے دیں، یہ باربی کیو کو جوسی بننے میں مدد دیتی ہے۔
بکرے اور گائے کے گوشت کو اچھی طرح گلانے کے لیے کچا پپیتا استعمال کریں جو اس کے ذائقے کو بھی بہتر بناتا ہے۔
کوئلے کے چھوٹے ٹکڑے استعمال کریں۔ اگر ٹکڑے بڑے ہوں تو ان کو توڑ کر چھوٹا کر لیں۔
کوئلے کے شعلوں کو نہ زیادہ اوپر تک آنے دیں اور نہ ہی انھیں بلکہ ختم ہونے دیں بلکہ آگ کو کنٹرول میں رکھیں۔ باربی کیو کے دوران یہی چیز سب سے اہم ہے اور باربی کیو کا سارا انحصار اسی چیز پر ہے۔
اب جبکہ باربی کیو کی تمام ضروری ٹپس آپ کے پاس ہیں تو کیوں نہ دوستوں اور فیملی کے ساتھ ایک مزیدار سی باربی کیو پارٹی ہو جائے....!!!