اچاری کریلے ریسیپی - achari karela recipe in urdu
مزیدار اچاری کریلے
اجزاء:
- کریلے۔۔۔۔۔۔۔۔۔۔۔۔۔۔۔۔ آدھا کلو
- پیاز۔۔۔۔۔۔۔۔۔۔۔۔۔۔۔۔۔۔ ایک کپ
- تیل۔۔۔۔۔۔۔۔۔۔۔۔۔۔۔۔۔۔ آدھا کپ
- املی۔۔۔۔۔۔۔۔۔۔۔۔۔۔۔۔۔ تین سے چار ٹکڑے
- ادرک لہسن کا پیسٹ۔۔۔۔۔ ایک چائے کا چمچ
- لال مرچ (پسی ہوئی)۔۔۔۔۔ ایک چائے کا چمچ
- ہلدی۔۔۔۔۔۔۔۔۔۔۔۔۔۔۔۔۔ آدھا چائے کا چمچ
- نمک۔۔۔۔۔۔۔۔۔۔۔۔۔۔۔۔۔ ایک چائے کا چمچ
- دہی (پھینٹی ہوئی)۔۔۔۔۔۔۔ آدھا کپ
- چینی۔۔۔۔۔۔۔۔۔۔۔۔۔۔۔۔۔ ایک چائے کا چمچ
اچاری مصالحہ کے لئے:
- سفید زیرہ۔۔۔۔۔۔۔۔۔۔۔۔۔ ایک چائے کا چمچ
- کلونجی۔۔۔۔۔۔۔۔۔۔۔۔۔۔۔ ایک چائے کا چمچ
- میتھی (سوکھی)۔۔۔۔۔۔۔۔۔ آدھا چائے کا چمچ
- دھنیا (سوکھا)۔۔۔۔۔۔۔۔۔۔۔ دو چائے کے چمچ
- سونف۔۔۔۔۔۔۔۔۔۔۔۔۔۔۔۔ ایک چائے کا چمچ
اچاری مصالحہ کے لیے:
توے پر سفید زیرہ، کلونجی، سوکھی میتھی، سوکھا دھنیا اور سونف کو بھونیں اور باریک پیس لیں۔
کریلے کے لیے:
کریلوں کو چھیلیں اور ان کے بیج نکال دیں۔ اب ان پر نمک لگا کر ایک گھنٹے کے لیے چھوڑ دیں اور پھر اچھی طرح دھولیں۔ اس کے بعد کریلوں کو پانی میں املی کے ساتھ پانچ منٹ کے لیے اُبالیں۔ اب انھیں نچوڑ کر تمام پانی نکالیں اور تیل میں فرائی کرکے نکال لیں۔ اب تیل گرم کرکے اس میں پیاز کو لائٹ گولڈن کریں اور نکال لیں۔ پھر اس میں ادرک لہسن کا پیسٹ، پسی لال مرچ، ہلدی، نمک اور دہی شامل کرکے کریلے فرائی کر لیں۔ ساتھ ہی تلی پیاز، چینی اور بھنا پسا مصالحہ ڈال دیں۔ اس کے بعد ڈھک کر درمیانی آنچ پر پکائیں، یہاں تک کہ وہ تیار ہو جائے۔
Tags:
Food Recipes